Pages

Monday, April 26, 2010

Wednesday, April 14, 2010

ချင်းလူမျိုးများအကြောင်းသိကောင်းစရာ (၃)

ဒုက္ခသည်များ
ချင်းတွေဘာလို့ ဒုက္ခသည်လျှောက်ကြတာလဲလို့ လူတချို့ကပြောကြပါတယ်။ သိသလောက်တော့ ဝေဖန်ကြ တယ်။ ဒါပေမယ့် သူတို့သိသလောက်နဲ့သာဆို ချင်းလူမျိုးတွေ ဒုက္ခသည်လျှောက်စရာအကြောင်းမရှိပါဘူး။ သူတို့ ပြောတာတွေထဲက မှန်တဲ့အပိုင်းတွေရှိသလို၊ သိထားတာထက်ပိုပြီး ပြင်းထန်တဲ့အပိုင်းတွေလည်း ရှိပါတယ်။ ဒီ အကြောင်းကို ပြောရရင် နည်းနည်းလေး ရှည်သွားမှာဆိုတော့ သိသင့်တဲ့အချက်လောက်ကိုပဲ ထောက်ပြချင် ပါတယ်။
ချင်းလူမျိုး
လူမျိုးတစ်မျိုးရယ်လို့ဖြစ်လာရင် ကိုယ်ပိုင်ဘာသာစကား၊ စာပေနဲ့ ယဉ်ကျေးမှုရှိမှ လူမျိုးရယ်လို့ သတ်မှတ် ပါတယ်။ ချင်းလူမျိုးများမှာ ကိုယ်ပိုင်ဘာသာစကားရှိပါတယ်။ ရှိလွန်းလို့နည်းနည်းတောင် များသွား တယ်လို့ဆိုရလောက်အောင် ကွဲပြားမှုလည်းရှိပါတယ်။ စာပေအနေနဲ့လည်း ကိုယ်ပိုင်စာပေရှိပါတယ်။ ယဉ်ကျေးမှုအားဖြင့်လည်း အခြားလူမျိုးများနဲ့ လုံးဝကွဲပြားတဲ့ ယဉ်ကျေးမှုကို ပိုင်ဆိုင်ထားကြပါတယ်။ ဒီလို ဘာသာစကား၊ စာပေနဲ့ယဉ်ကျေးမှုရှိတဲ့လူမျိုးတိုင်းဟာ ကိုယ်ပိုင်တိုင်းနိုင်ငံအဖြစ်သီးခြားရပ်တည်နိုင်တဲ့ အနေအထားရှိကြောင်းတွေ့ရပါတယ်။
ဒါပေမယ့် ချင်းလူမျိုးများဟာ ရှေးအစဉ်အဆက်အေးချမ်းစွာနေလိုတဲ့လူမျိုးများဖြစ်ပြီး သစ္စာရှိတဲ့လူမျိုး အဖြစ်နိုင်ငံတကာက အသိအမှတ်ပြုခြင်းခံခဲ့ရတဲ့လူများဖြစ်ပါတယ်။ ဘိုးစဉ်ဘောင်ဆက် ငြိမ်းချမ်းရေးကို လိုလားပြီး ပတ်ဝန်းကျင်နဲ့လည်း သဟဇာတဖြစ်အောင် နေခဲ့ကြတဲ့လူမျိုးဖြစ်ပါတယ်။ (ချင်းလူမျိုးများ အကြောင်းသိကောင်းစရာ ၂ ၌ဖော်ပြပြီး) အခြေအနေအရ မြန်မာနိုင်ငံကို အင်္ဂလိပ်တွေ သိမ်းပိုက်ပြီးနောက်ပိုင်း ချင်းလူမျိုးများနေထိုင်ရာဒေသတွေလည်း အင်္ဂလိပ်လက်အောက်ကို အလိုလိုကျရောက်သွားခဲ့ပါတယ်။ အဲဒီတုန်း က အင်္ဂလိပ်ကို စတင်တော်လှန်ခဲ့တဲ့ပုဂ္ဂိုလ်တွေအကြောင်းကို ပြန်လှန်လေ့လာကြည့်မယ်ဆိုရင် ဗိုလ်မင်းရောင်၊ ကြွမ်ဘိခ်စသဖြင့် တိုင်းသိပြည်သိပုဂ္ဂိုလ်တွေရှိကြသလို ဘယ်သူမှမသိဘဲ အသက်ပေးခဲ့ကြတဲ့ ချင်းတော်လှန် ရေးခေါင်းဆောင်တွေလည်း အများကြီးရှိပါသေးတယ်။ ဒီနေရာမှာ ဗိုလ်မင်းရောင်(ဗိုလ်ချုပ်အောင်ဆန်းရဲ့အဖိုး) ဟာ မြေပြန့်ချင်းဖြစ်ပါတယ်။ တောင်တန်းဒေသကို ရွှေ့ပြောင်းသွားကြတဲ့ချင်းလူမျိုးတွေထဲမှာ မပါဘဲကျန်ခဲ့တဲ့ မြေပြန့်ချင်းများဖြစ်ပါတယ်။
လွတ်လပ်ရေးတိုက်ပွဲ
မြန်မာပြည်လွတ်လပ်ရေးအတွက် တိုက်ပွဲဝင်တဲ့နေရာမှာ အင်္ဂလိပ်နဲ့ဖက်ဆစ်ဂျပန်ကို တော်လှန်ခဲ့တဲ့ အချိန်တွေမှာ ချင်းလူမျိုးများဟာ ရွပ်ရွပ်ချွံချွံတိုက်ပွဲဝင်ခဲ့ကြတဲ့သူတွေဖြစ်ပါတယ်။
မြန်မာနိုင်ငံလွတ်လပ်ရေးရပြီးနောက်ပိုင်းမှာ ပြည်တွင်းဆူပူသောင်းကျန်းမှုတွေကို နှိမ်နင်းဖို့အတွက် တပ်မတော်ဟာ စစ်သည်အင်အားစုဆောင်းပြီး တိုက်ပွဲဝင်ခဲ့ကြတယ်။ အဲဒီအချိန်တုန်းကလည်း ချင်းသေနတ် ကိုင်တပ်ဆိုပြီး ရှိခဲ့ပါတယ်။ တိုင်းရင်းသားလူမျိုးတွေထဲက သီးသန့်လူမျိုးနဲ့တိုက်ပွဲဝင်တဲ့စစ်တပ်ဆိုလို့ ချင်းနဲ့ ကချင်ပဲရှိပါတယ်။ ဒီလိုတိုင်းပြည်အပေါ်သစ္စာရှိရှိ ကာကွယ်စောင့်ရှောက်ခဲ့တဲ့လူမျိုးဖြစ်ပါတယ်။ မြန်မာပြည် အချို့ဒေသတွေမှာတောင် အဲဒီအခေါ်အဝေါ်ကို မပြောင်းလဲနိုင်သေးဘဲ အရင်တုန်းကလို ချင်း(၁၊ ၂၊ ၃) စသဖြင့် အာရိုးစွဲခေါ်နေကြပါသေးတယ်။ ဥပမာ။ ကျိုင်းတုံမြို့က (၃၁၄) ခြေမြန်တပ်ဆိုရင် အရင်က ချင်းသေနတ်ကိုင် တပ်ရင်း (၄) ဖြစ်တယ်။ ချင်းတွေဟာ ချင်းတောင်ဒေသကနေ ဗကပ (ဗမာပြည်ကွန်မြူနစ်ပါတီ) ကိုတိုက်ဖို့ အတွက် ချင်းတပ်တွေကို ရှမ်းပြည်နယ်နေရာအတော်များများမှာ တပ်ဖြန့်ခဲ့ကြတယ်။ အဲဒီတုန်းကတည်းက တိုက်ပွဲဝင်ခဲ့တဲ့ စစ်မှုထမ်းဟောင်းတွေကို ယခုအချိန်ထိ အဲဒီဒေသတွေမှာ ဆင်းရဲချို့တဲ့စွာတွေ့နိုင်ပါသေးတယ်။
အရင်ကဇာတ်လမ်းလေး
မြန်မာပြည်လွတ်လပ်ရေးအတွက် တိုက်ပွဲဝင်ခဲ့ကြတာ လူမျိုးတိုင်းပါပဲ။ ဒါပေမယ့် သစ္စာရှိရှိတိုက်ပွဲဝင် ကြသူတွေထဲမှာတော့ ချင်းလူမျိုးများကို ပစ်ပယ်ထားလို့မရပါဘူး။ ၁၉၈၀ ကျော်ဝန်းကျင်က အဖြစ်အပျက်လေး တစ်ခုကို သတိရမိတယ်။ အိန္ဒိယဖက်က သူပုန်တွေချင်းပြည်ထဲကို ကျူးကျော်လို့ဆိုပြီး မြန်မာ့တပ်မတော်က စစ်တပ်တွေကို ချင်းပြည်ကိုပို့ခဲ့ပါသေးတယ်။ ဒါနဲ့ စစ်သားတွေဟာ ချင်းတောင်ပေါ်ကရွာတွေ (ကျွန်တော်တို့ ဒေသကရွာ)ထဲမှာ စခန်းချကြတယ်။ သူတို့ကိုယ် သူတို့ ကယ်တင်ရှင်လိုလိုဘာလိုလိုနဲ့ပေါ့။ သူတို့တည်းတဲ့အိမ် ရှင်တွေကို မချေမငံဆက်ဆံကြတယ်တဲ့။ ဒါပေမယ့် အိမ်ရှင်တွေကတော့ ကောင်းကောင်းမွန်မွန်ပဲပြုစုကြပါ တယ်။ ဒီလိုနဲ့ သူတို့ အိမ်ပေါ်ကိုတက်ပြီးကြည့်တော့ အိမ်ရဲ့ဧည့်ခန်းထဲမှာ စစ်ဗိုလ်တွေရဲ့ဓာတ်ပုံချိတ်ထားတာ တွေ့တယ်။ ဒါနဲ့အဲဒါဘယ်သူလဲဆိုပြီး မေးကြည့်တော့ အိမ်ရှင်တဲ့..။ အဲလိုအဖြစ်အပျက်လေးကြုံတော့မှ စစ်သား တွေလည်း ကောင်းကောင်းမွန်မွန်လေးလေးစားစား ပြန်လည်ဆက်ဆံကြတော့တယ်။ (ဆိုလိုတာက ချင်းတောင် မှာ စစ်မှုမထမ်းဖူးတဲ့အိမ်ဆိုတာ မရှိသလောက်ကို ရှားပါတယ်။ ကျွန်တော်တို့ ဒေသမှာဆိုရင် အထူးသဖြင့် ရာထူးကြီးတဲ့ စစ်မှုထမ်းတွေပိုများခဲ့တယ်။)
၁၉၈၈ နောက်ပိုင်း
လွတ်လပ်ရေးရပြီးနောက်ပိုင်း မြန်မာနိုင်ငံရဲ့စစ်မှုထမ်းတွေကြားထဲမှာ ချင်းအရာရှိတွေတော်တော်များ များ ရှိခဲ့ကြပါတယ်။ ဗိုလ်ချုပ်အဆင့်ထိရောက်တဲ့သူတွေ၊ နိုင်ငံ့ဂုဏ်ရည်ပထမအဆင့်ဝင်တဲ့သူတွေကအစ အများ ကြီးရှိခဲ့ပါတယ်။
၁၉၈၈ အရေးအခင်းပြီးနောက်ပိုင်းလောက်ကစပြီး သိသာတဲ့ခွဲခြားမှုကို ချင်းလူမျိုးများခံစားခဲ့ရတယ်။ အရည်အချင်းရှိတဲ့သူတွေကို ရာထူးပေးဖို့ခက်နေတာတွေ၊ မလှိမ့်တစ်ပတ်နည်းနဲ့ ရာထူးဖြုတ်ချတာတွေနဲ့ အခြားမသမာမှုတွေအများကြီးနဲ့ ချင်းလူမျိုးတွေကို နှိမ်တာတွေအများကြီးပါ။
(C) သုံးလုံး
အခုနောက်ပိုင်း စစ်တပ်ထဲမှာ ချင်းလူမျိုးဆိုလို့ အရင်ကစစ်မှုထမ်းခဲ့တဲ့လူကြီးတွေရဲ့ လက်ကျန်လောက်သာ ရှိပါတော့တယ်။ အဖြစ်က ဒီလိုဗျ..
စစ်တပ်ထဲကို အရင်ကလို မျိုးချစ်စိတ်တစ်ခုတည်းနဲ့ဝင်ခွင့်မပြုတော့ဘူး။ စစ်တပ်လို့ပြောတဲ့အခါမှာ ဗိုလ်သင်တန်းတွေလည်း ပါပါတယ်။ (C)သုံးလုံးနဲ့ ငြိလို့မရပါဘူး။ အဲဒီ (C) သုံးလုံးထဲက တစ်ချက်ချက်နဲ့ညိရင် အရည်အချင်းမမီသူအဖြစ်သတ်မှတ်ပြီး စစ်တပ်ထဲကိုဝင်ခွင့်မပြုတော့ပါဘူး။ အဲဒီ (C) တွေကတော့
(၁) Christian (ခရစ်ယာန်ဘာသာကို ယုံကြည်သက်ဝင်သူ)
(၂) Chin (ချင်းလူမျိုးဖြစ်သူ)
(၃) C ပိုး (အသည်းရောင်အသားဝါစီပိုးရှိသူ) တွေဖြစ်ပါတယ်။
ချင်းလူမျိုးတွေထဲမှာ စီပိုး (အသည်းရောင်) မရှိရင်တောင် ချင်းလူမျိုးဖြစ်နေတဲ့အတွက်ကြောင့် အလိုလို အပယ်ခံဖြစ်ပြီးသားဖြစ်ပါတယ်။
အတိတ်ကာလကို လျစ်လျူရှုပြီး၊ လုပ်ချင်တိုင်းလုပ်ခံနေရတဲ့ ရိုးသားပြီး သစ္စာရှိခဲ့တဲ့ချင်းလူမျိုးတွေအတွက် ဘာအခွင့်အရေးမှမရှိတော့ပါဘူး။ လူမျိုးတစ်မျိုးအဖြစ်ရှိနေပေမယ့် ဒုတိယတန်းစားလူမျိုးလောက်သာသာ သူတို့ တွေထားကြပါတယ်။ တိုင်းပြည်အတွက် သေသေကြေကြေတိုက်ပွဲဝင်ဖို့ရှိတုန်းကတော့ ချင်းတွေကိုအားကို ခဲ့ကြပြီး၊ အခွင့်အရေးပေးစရာရှိလာတော့ မျက်ကွယ်ပြုထားခြင်းကို ခံနေရကြပါတယ်။ နောက်တစ်ချက်
စာပေ
အရင်တုန်းကဆိုရင် ချင်းစာပေတိမ်မြုပ်ပျောက်ကွယ်သွားမှာစိုးရိမ်တဲ့အတွက်ကြောင့် ချင်းစာပေ သင်ကြားခြင်းကို မူလတန်းအဆင့်မှာ မသင်မနေရအဖြစ်ပြဌာန်းခဲ့ပါတယ် (ချင်းပြည်နယ်တွင်သာ)။ ဒါပေမယ့် အခုအချိန်မှာ ချင်းစာပေးသင်ကြားဖို့အတွက် တားမြစ်ခံရတဲ့အပြင် ကျောင်းမှာမဟုတ်ဘဲ ရွာထဲမှာတောင် ချင်းစာပေသင်ကြားခွင့်ကို ပိတ်ပင်လာကြပါတယ်။ ဒါဟာ လူမျိုးတစ်မျိုးပျောက်ကွယ်သွားဖို့ မတရားတားမြစ် ချက်ဖြစ်ပါတယ်။ ချင်းစာပေသင်ကြားဖို့အတွက် စည်းရုံးတဲ့သူတွေကိုလည်း တားမြစ်ပိတ်ပင်ပါတယ်။
ယဉ်ကျေးမှု
ချင်းတို့ရဲ့ရိုးရာပွဲတွေ၊ ချင်းအမျိုးသားနေ့တွေကအစ အရင်ကလို လွတ်လပ်စွာကျင်းပခွင့်ကို ပိတ်ပင်ထား ကြပါတယ်။ ကျင်းပခွင့်ပေးတဲ့အခါမှာလည်း မတရားပိတ်ပင်တားမြစ်ချက်များစွာနဲ့ စိတ်ကျဉ်းကြပ်စွာ ပြုလုပ်ခွင့် ပေးတယ်။ ဒီလုပ်ရပ်တွေဟာ ချင်းလူမျိုးများကို ဒုတိယတန်းစားလူမျိုးဖြစ်စေပြီး၊ သိသိသာသာချိုးနှိမ်ခြင်းဖြစ် ပါတယ်။
မြန်မာနိုင်ငံမှာနေပြီး မြန်မာနိုင်ငံသားတစ်ယောက်ရဲ့ရပိုင်ခွင့်၊ လုပ်ပိုင်ခွင့်၊ ပြောဆိုပိုင်ခွင့် တန်းတူမရတဲ့ အချက်ကြောင့်သာ ချင်းလူမျိုးများပြည်ပထွက်ဒုက္ခသည်အဖြစ်လျှောက်ထားနေကြခြင်းဖြစ်ပါတယ်။ မည်သည့် နိုင်ငံရေးခံယူချက်၊ ဘာသာရေးခံယူချက်များကြောင့်မဟုတ်ဘဲ မြန်မာနိုင်ငံသားတစ်ယောက်ရဲ့ရပိုင်ခွင့်မရှိတဲ့ ချင်းလူမျိုးများဖြစ်သောကြောင့်သာ မိမိကို လူ့အခွင့်အရေးအပြည့်အ၀ပေးမည့်နိုင်ငံသစ်များကို ရှာဖွေထွက်ခွာ နေကြတာဖြစ်ပါတယ်။
လူတစ်ချို့ ရဲ့ထင်မြင်စွတ်စွဲသလိုမျိုး ချင်းပြည်မှာ အဓမ္မခိုင်းစေမှုမရှိဘူး၊ စစ်တပ်လည်းမရှိဘူးဆိုတာ မဟုတ်ပါဘူး။ အဓမ္မခိုင်းစေတဲ့နေရာတွေလည်းရှိပါတယ်။ စစ်တပ်လည် ရှိပါတယ်။ ဒါပေမယ့် ဒီအချက်တွေဟာ ဒုက္ခသည်တစ်ယောက်အဖြစ် အသိအမှတ်ပြုပေးနိုင်တဲ့တရားဝင်အချက်အလက်တွေဖြစ်လို့ အဲဒီကိစ္စတွေကို ယူသုံးနေကြတာပါ။ အဓိကကတော့ အထက်က ကျွန်တော်ပြောခဲ့တဲ့အတိုင်း ...
မြန်မာပြည်အတွက် ဘိုးစဉ်ဘောင်ဆက် အသက်၊ သွေး၊ ချွေးရင်းခဲ့တဲ့ သစ္စာရှိတဲ့လူမျိုးကို တန်းတူအခွင့် အရေးမပေးဘဲ ဒုတိယတန်းစားလူမျိုးအဖြစ် ခွဲခြားဆက်ဆံမှုဟာ ချင်းလူမျိုးများကို သူတို့ချစ်တဲ့မွေးဖွားရာအမိ မြေကိုစွန့်ခွာပြီး၊ ကောင်းစားတဲ့နိုင်ငံသစ်မှာ အခြေချနေထိုင်ဖို့ တွန်းအားပေးတဲ့အချက်ဖြစ်တယ်ဆိုတာကို နားလည်စေချင်ပါတယ်။
ချင်းလူမျိုးများဟာ .. ဒုတိယတန်းစား လူမျိုးမဟုတ်ပါဘူး။
ချင်းလူမျိုးများဟာ.. သစ္စာရှိတဲ့လူမျိုးဖြစ်ပါတယ်။ (ယခင်က.. အခုတော့အခြေအနေအရတစ်ချို့သစ္စမရှိ)
ချင်းလူမျိုးများဟာ.. အေးချမ်းမှုကို လိုလားတဲ့လူမျိုးဖြစ်ပါတယ်။
ချင်းလူမျိုးများဟာ.. ကျေနပ်ရောင့်ရဲမှုရှိတဲ့လူမျုိးဖြစ်ပါတယ်။ (ယခင်က.. ယခုတော့မဆိုလို..)
ချင်းလူမျိုးများဘာ့ကြောင့် ဒုက္ခသည်လျှောက်ထားကြတယ်ဆိုတာကို ဒီလောက်ရှင်းပြရင် လုံလောက်မယ် ထင်ပါတယ်။ ဒီထက် ပိုပြီးရှင်းပြရင်.. လူမျိုးရေးထိခိုက်စရာတွေ၊ ပြဿနာတွေပိုများလာနိုင်တဲ့အတွက်ကြောင့် ဤမျှလောက်သာ တင်ပြပါရစေ...
ကျေးဇူးတင်စွာဖြင့်....

Sunday, April 4, 2010

သိအပ်စရာချင်းလူမျိုးများအကြောင်း (၂)

ချင်းလူမျိုးများ၏ရာဇဝင်ကိုလေ့လာကြည့်သော်

တရုတ်ဧကရာဇ်မင်း ဇား၊ ရှန်၊ ချောင်မင်းဆက်များလက်ထက်က စတင်မှတ်သားကြသည်။ ချောင် ဆိုသည့် စကားလုံးမှာ နောက်ပိုင်း ဇောင်၊ ဇို (ချင်း)၊ ရို စသဖြင့် အမျိုးမျိုးပြောင်းလဲမှတ်သားလာကြရာ၊ အမည်တစ်မျိုး၊ ဘုရင်တစ်ပါး၏အမည်၊ လူမျိုးတစ်မျိုးအဖြစ် မှတ်သားခဲ့ကြသည်။ ချောင်(ဇို)ဧကရာဇ်သည် BC1122 မှ BC256 ကာလအတွင်း အုပ်စိုးခဲ့သည်ဟု မှတ်သားခဲ့ကြသည်။ BC 11 ရောက်သောအခါ ချင်းမင်းဆက်နန်းတက်ခဲ့ပြီး တိုင်းပြည်ကို ၁၄နှစ်အုပ်ချုပ်ခဲ့သည်။ BC 207-220 အတွင်း ဟန်မင်းဆက်နန်းတက်ကာ အခြားလူမျိုးစုများကို ညှဉ်းပန်းနှိပ်စက်သောကြောင့် ချင်းလူမျိုးများမြန်မာပြည်ထဲသို့ထွက်ပြေးလာကြသည်ဟုလည်း အချို့ကမှတ်တမ်းတင်ထားသည်။ တရုတ်နိုင်ငံရှိလိုဏ်ဂူတစ်ခု၏အမည်ကိုလည်း Chou-Kou-Tien မြန်မာဂူ (ဝါ)တဲ ဆိုသည့်အဓိပ္ပါယ်နှင့်လည်းရှိသေးသည်။

Rev.Dr. JH. Cope နှင့်ဇနီးသည်တို့ ၂၁၊၁၂၊၁၉၀၃ တွင် Rev.AE.Carson နှင့်နေရာပြောင်းရန် ရောက်လာသောအခါ ၁၉၊၄၊၁၉၁၀ တွင် ဟားခါးမှတီးတိန်သို့ပြောင်းရွှေ့ပြီး နှစ်ပေါင်း (၃၀)ကြာနေထိုင်ခဲ့သည်။ Rev.Cope ချင်းလူမျိုးများသည် တိဗက်ပြည်ရှိမွန်ဂိုလူမျိုးများနှင့် ဆံပင်ပုံစံ၊ ဆံပင်ကောက်ပုံ၊ လူနေမှုပုံစံမှစ၍ သွားလာပြုမူပုံတူညီကြသည်ဟု ဆိုခဲ့ဖူးသည်။

မြန်မာပြည်အဝင်

ချင်းလူမျိုးများမရှိမီ မြန်မာပြည်ထဲတွင် () Nigrito () မွန်ခမာ () ရှမ်း-ကရင် () တိဗက်-ဗမာ လူမျိုးများ ဦးစွာအခြေချနေထိုင်ခဲ့ကြသည်။ သမိုင်းပညာရှင်ဦးဘရှင်၊ ဗိုလ်မှူးဗရှင်၊ ဒေါ်သိန်း၊ Mr.Hervey နှင့်ဒေါက်တာ တင်အောင်တို့က တိဗက်-ဗမာလူမျိုးများကို အောက်ပါအတိုင်းခွဲခြားသတ်မှတ်ခဲ့ကြသည်။

() စုလူမျိုး

ဤလူမျိုးများသည် ယူနန်ပြည်နယ်မှဆင်းသက်လာသော ဖြူလူမျိုးများဖြစ်ပြီး၊ မြန်မာပြည်တွင် ဗိဿနိုးနှင့် သရေခေတ်တရာမြို့များကို တည်ထောင်ခဲ့ကြသူများဖြစ်ကြသည်။

() ကံရံ (ကရန)

ဤလူမျိုးများသည် ဝေသာလီနှင့်မြောက်ဦးမြို့များကိုတည်ထောင်ခဲ့ကြပြီး၊ ရခိန-ရခိုင်လူမျိုးများအဖြစ်မှတ်တမ်း တင်ထားသည်။

() သက် (စက်)

ဤလူမျိုးများသည် AD1 ရာစုခန့်က Prome မှ Pasan ဒေသသို့ဆင်းလာသောလူမျိုးများအဖြစ်မှတ်တမ်းတင် ထားသည်။ သမိုင်းနှင့်လူမျိုးစုများအကြောင်းလေ့လာသူများက ချင်း၊ ကချင်၊ ကဒူး၊ ကနန်း၊ တန်ကော့၊ နာဂ စသည့်လူမျိုးများကို သက် လူမျိုးစုမှ ဆင်းသက်လာကြသည်ဟု မှတ်သားကြသည်။

BC 600

တိဗက်ဒေသ ဟိုဟစ်မြစ် (Hohit) အတိုင်းဆင်းလာကာ ဟူးကောင်းချိုင့်ဝှမ်းမှတစ်ဆင့် ချင်းတွင်းမြစ်ဝှမ်းဒေသ တွင်အခြေချနေထိုင်ကြသည်။ အချို့မှာ ဧရာဝတီမြစ်နှင့်ချင်းတွင်းမြစ်ဆုံရာနေရာတွင်နေထိုင်ကြကာ ယခင်က သီလဝါဒီမြစ်ဟုခေါ်သော မြစ်ကို ချင်းလူမျိုးများနေထိုင်ရာမြစ်အဖြစ် ချင်းတွင်းမြစ် (The Home of Chin)ဟု သမုတ်ပြောင်းလဲခေါ်ဝေါ်ခဲ့ကြသည်။

AD 100

ချင်းလူမျိုးများသည် ပုဂံဒေသရှိ ဘုရားကြီးဟုခေါ်သောဒေသတွင် နေထိုင်ခဲ့ကြသည်။

AD 600

စစ်ကိုင်း၊ မြင်တိုင်းပင်၊ မုံရွာ၊ ဒီပဲယင်း၊ ပလိပ်စသောဒေသများတွင် နေထိုင်ခဲ့ကြသည်။

AD 835

ချင်းတွင်းမြစ်ဝှမ်းဒေသရှိ သျှိုမြို့တော် (Shou) တွင်ချင်းလူမျိုးများနေထိုင်ကာ နန်ချိုဟု တရုတ်ဘာသာဖြင့် ခေါ်ကြသည်။

AD 842

သရက်၊ အောင်လံ၊ မင်းဘူး၊ မင်းတုန်း၊ တောင်တွင်းကြီး၊ သံတွဲ၊ ပုပ္ပားတောင်ဒေသများတွင် နေထိုင်ကြသည်။

AD 849

ပုဂံ (ဖြူဂံ) (Pu Gam) ဒေသတွင် ပြောင်းရွှေ့အခြေချနေထိုင်ကြသည်။

AD 1300

မြန်မာလူမျိုးများနိုင်ငံမစတင်မီ ပတ်ဝန်းကျင်ရှိအခြားလူမျိုးစုများကို စစ်ရှုံးသောကြောင့် ချင်းလူမျိုးများသည် ရှမ်းလူမျိုးများနှင့်အတူ ပင်းယ၊ အင်းဝ၊ စစ်ကိုင်းစသောမြို့များတွင် နေထိုင်ကြသည်။

AD 1300

ရေစကြို၊ ကောလင်းနှင့်ကလေးမြို့များတွင် စတင်အခြေချနေထိုင်ကာ ၁၄၀၂-၁၄၂၃ ကာလအတွင်း ရှမ်းစော်ဘွားများ အုပ်ချုပ်သည့်အချိန်ထိ နေထိုင်ခဲ့ကြသည်။

ချင်းတောင်ဒေသသို့ပြောင်းရွှေ့ခြင်း

AD1420 ခုနှစ်မှစတင်ကာ ရှမ်းလူမျိုးများအုပ်ချုပ်မှုအောက်တွင် မနေလိုသူများက ကလေးမြို့မှတစ်ဆင့် တောင်ပေါ်ဒေသကို ပြောင်းရွှေ့နေထိုင်လာကြသည်။ AD 1650 မှ နှစ်ပေါင်း ၂၀၀-၂၅၀ ကာလအတွင်း မျိုးဆက် ()ဆက်ခန့် ချင်းတောင်ဒေသ Kawlmun Ciimnuai တွင်အခြေချခဲ့ကြသည်။ သားယောကျာင်္း တစ်ယောက်မွေးဖွားတိုင်း မျိုးရိုးတစ်ခုအဖြစ်မှတ်သားခဲ့ကြရာ ချင်း(တီးတိန်၊ တွန်းဇံ) လူမျိုးများတွင် မျိုးရိုးပေါင်း (၂၃၇)မျိုးရှိသည်။

AD 1550

Guite မျိုးရိုးမှ Pu Guimang က တီးတိန်မြို့ကို စတင်တည်ခဲ့သည်။

AD 1870

တွန်းဇံမြို့ကို တည်ခဲ့သည်။

AD 1877-78

Guite လူမျိုးစုများ မြောက်ပိုင်းဒေသသို့ ပြောင်းရွှေ့ခဲ့ကြသည်။

AD 1895

စက်တင်ဘာလတွင် ချင်းတောင်ဒေသတစ်ခုလုံး မြန်မာနိုင်ငံလက်အောက်သို့ကျရောက်ခဲ့သည်။

AD 1948

မြန်မာနိုင်ငံလွတ်လပ်ရေးရပြီး ချင်းဝိသေသတိုင်းအဖြစ် သတ်မှတ်ခဲ့သည်။

AD 1974

ချင်းလူမျိုးများနေထိုင်ရာဒေသကို ချင်းဝိသေသတိုင်းမှ ချင်းပြည်နယ်ဟုပြောင်းလဲခေါ်ဝေါ်ခဲ့ကြသည်။

ကိုးကား- SB. Langhno (ZAM Magazine 2009)


Saturday, April 3, 2010

သိအပ်စရာချင်းလူမျိုးအကြောင်း (၁)

ဘယ်ကစ
တကယ်တော့ လူပေါင်း တစ်သန်းတောင်မပြည့်တဲ့ ချင်းလူမျိုးတွေကိုဘုရားသခင်ကပဲကောင်းချီးပေးတယ်ပဲပြောပြော၊ အခြားလူမျိုးတွေထက်တော့ သာတဲ့နေရာတွေမှာ တွေ့ရပါတယ်။ ဒါပေမယ့် ဒီနေ့ထိ လူမျိုးကြီး ဖြစ်မ လာတာတော့ အံ့သြစရာပါ။ ချင်းလူမျိုးတွေရဲ့ရာဇ၀င်ကိုပြန်ကြည့်တဲ့အခါမှာ ရှေးတရုတ်ပြည်ဖက်ကနေ ဆင်းသက်လာကြတယ်လို့ဆိုပါတယ်။ အတိအကျတော့ ဘယ်သူမှမခန့်မှန်းနိုင်ကြသေးပါဘူး။
ရှေးလူကြီးတွေရဲ့အဆိုအရတော့ ကချင်လူမျိုးနဲ့ချင်းလူမျိုးတွေဟာ.. ညီအစ်ကိုတွေလို့ဆိုပါတယ်။ အဲဒီညီအစ်ကို နှစ်ယောက်ဟာ မြန်မာပြည်ထဲကိုဝင်လာရင်း၊ လမ်းမှာ အကြီးဖြစ်တဲ့ကချင်ကလမ်းမှာကျန်ခဲ့ပြီး၊ ညီဖြစ်တဲ့ချင်းကတော့ လမ်းဖောက်လို့ဆက်ဆင်းလာလိုက်တာ.. ဘာသယံဇာတမှမရှိတဲ့ ချင်းတောင်ဘက်ကိုရောက်လာတယ်လို့ ပြောကြပါတယ်။ ကံမကောင်းဘူးလို့ပဲပြောရမလားမသိဘူး၊ ညီငယ်ချင်းလေးဟာ.. ခက်ခဲကြမ်းတမ်းတဲ့ချင်းတောင်တန်း ပေါ်မှာ ကြီးပြင်းလာခဲ့ပါတယ်။ အညတရချင်းလေးတစ်ယောက်ဖြစ်လို့ စာ၊ စကားကစလို့ ကိုယ်ပိုင်မရှိခဲ့ဘူးလို့လည်း ဆိုကြပါတယ်။
ဒါပေမယ့် နှစ်ပေါင်းများစွာကြာလာတာနဲ့အမျှ ရေခြား၊ မြေခြားက သာသနာပြုဆရာတွေရောက်လာပြီး
နောက်ပိုင်း “စာ” ဆိုတာရှိလာပါတယ်။ လွန်ခဲ့တဲ့ နှစ်ပေါင်း (၁၀၀) ၊ ၁၉၁၀ ခုနှစ်ကစပြီး၊ တရားဝင် ချင်းဘာသာ
စကားအဖြစ် စတင်ပေါ်ပေါက်လာပါတယ်။ ဒါ့ကြောင့် ဒီနှစ်နိုဝင်ဘာလမှာ ချင်းတောင်ဒေသတစ်နေရာမှာ ချင်းစာရာပြည့်ပွဲ ကျင်းပကြမယ်လို့လည်း သိရပါတယ်။
အခြားလူမျိုးတွေနဲ့နှိုင်းယှဉ်ရင် လူဦးရေအရေအတွက် နည်းပြီး၊ ဒေသထွက်သယံဇာတဆိုလို့ ပန်းသီးဆို
တာလောက်ပဲရှိတဲ့နေရာမှာ ကြီးပြင်းလာခဲ့ကြတဲ့ချင်းလူမျိုးများဟာ.. ယခုအချိန်မှာ မြန်မာပြည်ရဲ့ပြင်ပ အခြားဖွံ့ဖြိုးပြီး နိုင်ငံတော်တော်များများကို ဦးတည်နေကြပါတယ်။ ဒါဟာ မိမိတိုးတက်ရာ တိုးတက်ကြောင်းအတွက်တော့ အင်မတန် ကောင်းတဲ့အချက် (တစ်နည်းအားဖြင့်အခွင့်အရေး) လို့ခံယူကြတဲ့သူတွေဟာ ၉၉% လောက်ရှိကြပါတယ်။
သိသင့်တဲ့အချက်တစ်ချက်ကိုတော့ လျစ်လျူရှုထားကြတာတော့ ၀မ်းနည်းစရာပါ။ အဆင်ပြေမယ့်လမ်း
မြင်တိုင်း၊ ဘ၀ဟောင်းကိုမေ့လျော့ပြီး စိတ်ကြီးဝင်တတ်ကြပါတယ်။ ကိုယ့်အစွမ်းအစနဲ့ဘာမှမဟုတ်ကြပေမယ့် ဘုရား ကျေးဇူးတော်ကြောင့်အခွင့်အရေးလေးတွေရလာတဲ့အခါ အောက်ခြေလွတ်ပြီး၊ သူများတကာကို လက်ညိုးငေါက်ငေါက် ထိုးတတ်ကြပါတယ်။ ဒါတွေဟာ.. အားလုံးမဟုတ်ပေမယ့် အချို့အချို့သောသူတွေကို ဆိုလိုတာပါ။
အကြောင်းအရင်း
ချင်းလူမျိုးတွေဘာ့ကြောင့် တိုးတက်သင့်သလောက်မတိုးတက်ကြသလဲ?
ကျွန်တော် မလေးရှားရောက်တော့ သတိထားမိတာတစ်ခုရှိပါတယ်။ အဲဒါက ဘာလဲဆိုတော့ မြန်မာ
ပြည်မှာ ကိုယ့်မိခင်ဘာသာစကား(ချင်းစကား)တောင်ဖြောင့်အောင်မပြောတတ်တဲ့သူတွေ မလေးရှားမှာ မလေးစကားကိုတော့ ရေရေလည်လည် မွတ်နေအောင်ပြောတတ်ကြတယ်..။ အကြောင်းအရင်းကို လေ့လာကြည့်တဲ့အခါမှာ မလေးလူမျိုးတွေဟာ. သူတို့ဘာသာစကားကို ကြိုးစားပြောကြတဲ့သူတွေကို နားလည်ပေးတယ်။ စကားပြောတာမပီရင်တောင် လှောင်ရယ်တာမျိုး မလုပ်ကြဘူး။ ဒါ့ကြောင့်လည်း နိုင်ငံခြားသားတော်တော်များများဟာမလေးစကားကို ရဲရဲရင့်ရင့်ပြောလာကြတယ်။ ဒါပေမယ့် ချင်းလူမျိုးတွေကတော့ သွေးကြီးပေမယ့် လူမျိုးကြီးမဆန်တာကိုတွေ့ရပါတယ်။ ချင်းစကားကို ကြိုးစားပြောလို့မပီရင်တောင် ပြင်ပေးမယ်မရှိဘဲ၊ ၀ိုင်းဟားကြတာမျိုး၊၀ိုင်းပြီးဟာသဖောက်တာမျိုးတွေကို တွေ့ရပါတယ်။ ဒါတွေဟာတိုးတက်တဲ့လက္ခဏာ မဟုတ်ဘဲ၊ ဆုတ်ယုတ်တဲ့လက္ခဏာဖြစ်တယ်ဆိုတာကို သတိမမူမိကြပါဘူး။
ကိုယ့်ပါးစပ်က ဘယ်လောက်ပဲ “ဘုရား၊ ဘုရား” လို့အော်ပြီး၊ လူတွေရှေ့မှာရပ်နေပါစေ၊ ကိုယ်လူမျိုး
အတွက် ဘယ်လောက်ပဲကြွေးကြော်နေပါစေ။ တကယ်တော့ ကိုယ့်လူမျိုးကိုတကယ် ဆွဲတင်ချင်တဲ့စိတ်မရှိဘဲကိုယ့်လူမျိုးစုတွေကြား ထဲမှာပဲ ဗိုလ်လုပ်နေကြတာကို တွေ့နေရပါတယ်။ ဒါဟာ စိတ်မကောင်းစရာပါ။
ဒါ့ကြောင့် “ချင်းတွေအရမ်းကောင်းစားကြတာပဲလို့ လူအချို့ကပြောနေကြပေမယ့် အပြင်ပန်းအားဖြင့်
ကောင်းစားသယောင်ယောင်နဲ့ အတွင်းမှာ ပုပ်သိုးနေကြတာကို ပြသချင်တာပါ။”
ဒုတိယပိုင်း ဆက်ပါဦးမည်။